| 尋日收到一個消息,我個team有同事出年3月結婚啦! 唔知點解,依個同事0既婚訊對我打擊特別大。 0黎0左國泰後,同我最緊密合作的四個同事,有三個都係今年或者明年結婚。前個排上Facebook,睇返以前中學同學D資料,不論以前玩開0既,定唔係太熟0既;十個裏面著0左八個都係前年至出年結婚;有D甚至連BB都有埋.... 見到別人幸福,自己本身個結就越扯越實。曾經係Facebook度呻過,有朋友話我話晒都叫有partner,起碼0黎結婚依個目標唔遠,點都好過D人連partner都冇。可惜依位朋友並唔了解,倘若個partner永遠唔確立依個目標,淨係識得講一堆信口雌黃0既0野去tum住你,但同時間咩都冇做過,只係要你無了期咁等,唔知等咩咁等.....依個partner,其實有等於冇。 唔開心0左一年,喊0左一整年...個結始終未解開,我仲未揾到個人去解得開。過往半年都好阿Q咁為佢揾藉口,為成件事揾藉口,自己emotion起起伏伏,得過且過又一day!拖到今時今日,我終於realize自己其實一直都冇開心過, 對於我0既將來,好helpless.....亦好hopeless..... 再諗深一層,可能一個人比現在還快樂....................... |
